Camisola Todos Os Días E Todas As Noites, Para Sempre / Unisex / Orgánica

• Deseño inspirado en dúas historias de amor entre homes narradas por Carlos Callón no libro Vidas e historias LGTB na Idade Media.

Como elemento principal atopamos os detalles dunha lápida galaico-romana descuberta en Taragoña, no Concello de Rianxo, na que un veciño chamado Urso realiza unha dedicatoria e mostra o seu amor cara outro home, Rufino.

O texto do deseño correspóndese cunha frase recollida no documento oficial que sela o primeiro matrimonio homosexual documentado no noso país, a unión entre Pedro Díaz e Muño Vandilaz o 16 de abril de 1061 en Rairiz e Veiga. No documento o casal comprométese a morar xuntas e coidarse mutuamente “todos os días e todas as noites, para sempre”.

• Camisola 100% algodón ecolóxico fiado e peiteado, gramaxe 150g/m².
• Certificados “Oeko-Tex® Standard 100”, “Global Organic Textile Standard”, “Fair Wear”, e “PETA – Approved vegan”.
• Impresión a serigrafía.